ایرانی صدر حسن روحانی اپنے منصب کا حلف اٹھا کر دوسری مدت کے لیے صدر منتخب ہوگئے۔ سپریم کمانڈر آیت اللہ خامنہ ای نے ان سے حلف لیا۔
اس موقع پر حسن روحانی نے دوسری مرتبہ صدر منتخب ہونے پر ایران کو عالمی تنہائی سے نکالنے کے لیے اپنی کوششیں جاری رکھنے کے عزم کا اظہار کیا ہے۔
تہران میں عوام اور عسکری حکام سے گفتگو کرتے ہوئے حسن روحانی نے کہا کہ ہم کسی صورت عالمی تنہائی کو قبول نہیں کریں گے۔
حسن روحانی نے امریکا کے ساتھ جوہری معاہدے کو عالمی سطح پر ایران کے لیے اچھا تاثر قرار دیا۔
انہوں نے کہا کہ ملک میں انتخابی عمل مکمل ہوچکا، اب یکجہتی اور تعاون کا وقت شروع ہوچکا ہے۔ ایرانی صدر کا کہنا تھا کہ جو لوگ ملک کا مفاد چاہتے ہیں میں ان کی طرف ہاتھ بڑھاتا ہوں۔
خبر: جنگ
